காவல்துறை மற்றொரு குற்றவாளியை விரைந்து கண்டுபிடிக்க வேண்டும்: கனிமொழி


சென்னை: பொள்ளாச்சி பாலியல் கொடூரத்தில் காவல்துறை உரிய நடவடிக்கை எடுக்காமல் மெத்தனம் காட்டியதுபோல் அல்லாமல், கோவை சிறுமி பாலியல் வன்கொடுமை வழக்கில் உடனே விரைந்து நடவடிக்கை எடுத்து மற்றொரு குற்றவாளியை கண்டுபிடிக்க வேண்டும் என திமுக எம்.பி. கனிமொழி கோரிக்கை வைத்துள்ளார். ஏழு வயது சிறுமி பாலியல் வன்கொடுமை செய்து கொடூரமாக கொலை செய்த குற்றவாளி சந்தோஷ்குமாருக்கு மரண தண்டனை விதித்து போக்சோ நீதிமன்றம் தீர்ப்பளித்துள்ளது. இந்த தீர்ப்பை பலர் வரவேற்று உள்ளனர். 

அதேவேளையில், இந்த வழக்கில் சந்தோஷ்குமார் மட்டுமில்லை மற்றொருவரும் ஈடுபட்டுள்ளதாக தடயவியல் பரிசோதனையில் தெரியவந்துள்ளது. இது பெரும் அதிர்ச்சியை ஏற்படுத்தி உள்ளது. கிட்டத்தட்ட ஒன்பது மாதங்கள் ஆகியும், மற்றொருவர் குறித்து ஏன் போலீசார் விசாரிக்கவில்லை என பலர் கேள்வி எழுப்பி வருகின்றனர். மேலும் அவரை காப்பாற்ற தான் போலீசார் விசாரணை மேற்கொள்ள வில்லை என்று குற்றசாட்டும் ஒரு தரப்பினர் வைத்து வருகின்றனர்.

இந்தநிலையில், திமுக எம்.பி. கனிமொழி தனது ட்விட்டர் பக்கத்தில் வழக்கு குறித்து கருத்து பதிவிட்டுள்ளார். அவர் கூறியது, “6 வயது தலித் சிறுமி பாலியல் வன்கொடுமை வழக்கில் சந்தோஷ் என்பவர் குற்றவாளி என உறுதியாகியுள்ளது. அதே நேரத்தில் பிரேத பரிசோதனையில் மேலும் ஒரு நபரின் டி.என்.ஏ இருப்பது தெரியவந்துள்ள நிலையில், மற்றொரு குற்றவாளியின் மீது, காவல்துறை நடவடிக்கை எடுக்காமல் இருப்பது சந்தேகத்தை எழுப்புகிறது. பொள்ளாச்சி பாலியல் கொடூரத்தில் காவல்துறை உரிய நடவடிக்கை எடுக்காமல் மெத்தனம் காட்டியதுபோல் அல்லாமல், இதில் உடனே விரைந்து நடவடிக்கை எடுக்க வேண்டும் என கோரிக்கை வைத்துள்ளார். 

முன்னதாக இந்த வழக்கில் சந்தோஷ்குமார் தான் குற்றவாளி என கோர்ட் தீர்ப்பு வழங்கியது. அதில் குற்றவாளிக்கு இரண்டு பிரிவுகளின் கீழ் ஆயுள் தண்டனை மற்றும் மரண தண்டனை விதித்து நீதிபதி உத்தரவிட்டுள்ளார். மேலும் ஏழு வயது சிறுமியின் தாய் மாவட்ட நீதிமன்றத்தில் ஒரு மனு தாக்கல் செய்துள்ளார். அதில் எனது மகளின் தடயவியல் பரிசோதனை அறிக்கையில் ஒன்றுக்கு மேற்பட்ட ஆண்கள் பாலியல் வன்கொடுமை செய்துள்ளதற்கான தடயங்கள் உள்ளன. இதுக்குறித்தும் விசாரணைக்கு உத்தரவிட வேண்டும் என கோரிக்கை வைக்கப்பட்டது. அந்த மனுவை ஏற்றுக்கொண்ட நீதிபதி, இந்த வழக்க்கு சம்பந்தமாக விசாரணைக்கு உத்தரவிட்டுள்ளார்.

உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.





Source link

ஆளும் மத்திய அரசை ஒரே வார்த்தையில் கலாய்த்த டிடிவி தினகரன்!


இந்தியாவிலேயே சிறந்த நல்லாட்சி செய்யும் மாநிலங்களின் தரவரிசைப் பட்டியலில் தமிழகத்திற்கு முதலிடம் அளிக்கப்பட்டுள்ளது!

இந்நிலையில், தமிழக அரசுக்கு இப்பட்டியலில் முதலிடம் அளித்திருப்பது 2019-ஆம் ஆண்டின் தலைசிறந்த நகைச்சுவை என அமமுக பொதுச்செயலாளர் டிடிவி தினகரன் விமர்சித்துள்ளார். இதுதொடர்பாக அவர் தனது ட்விட்டர் பக்கத்தில் குறிப்பிடுகையில்., 

“நல்லாட்சி வழங்குவதில் தமிழகத்திற்கு முதலிடமாம்…
இந்த ஆண்டின் தலைசிறந்த நகைச்சுவையோடு நம்மிடம் இருந்து விடைபெறுகிறது 2019..!” என குறிப்பிட்டுள்ளார்.

மத்திய அரசு வெளியிட்டுள்ள அறிக்கையின் படி ‘தேசத்தில் சிறந்த நல்லாட்சி செய்வதற்கான மாநிலங்களின் பட்டியலில் தமிழகத்திற்கு முதலிடம் அளிக்கப்பட்டுள்ளது. மேலும் தமிழகத்திற்கு இதற்காக மத்திய அரசு 5.62 புள்ளிகளையும் அளித்து கௌரவித்துள்ளது. 

தேசிய நல்லாட்சி தினத்தையொட்டி மத்திய நிர்வாகம் சீர்திருத்த மற்றும் பொதுமக்களின் குறைதீர்க்கும் துறை ஒரு பட்டியலை தயார் செய்துள்ளது. அதன்படி அனைத்து மாநிலங்கள் மற்றும் யூனியன் பிரதேசங்களின் செயல்பாடுகளை வைத்து எந்த மாநிலம் சிறப்பாக செயல்பட்டுகிறது என ஆய்வு மேற்கொள்ளப்பட்டது.

அதன்படி குறிப்பிட்ட 17 அரசு துறைகளில் இருந்து பெறப்பட்ட விவரங்கள் கொண்டு பட்டியல் தயார் செய்து, தமிழகத்திற்கு முதலிடம் அளிக்கப்பட்டுள்ளது. 
உள்கட்டமைப்பு, சுகாதாரம், நிதி நிர்வாகம் என அனைத்து துறைகளிலும் ஆய்வு மேற்க்கொள்ளப்பட்டு தமிழகத்திற்கு இந்த அங்கிகாரம் அளிக்கப்பட்டுள்ளது குறிப்பிடத்தக்கது. எனினும் திமுக, அமமுக முதலிய கட்சிகள் மக்கள் ஆட்சிக்கு விரோதமான செயல்பாடுகளில் ஈடுப்படும் அதிமுக அரசுக்கு இந்த மதிப்பு அளித்திருப்பது வேதனைக்குறியது என வருத்தம் தெரிவித்துள்ளனர்.





Source link

Edappadi Palanisamy | வரிசையில் நின்று ஜனநாயக கடமையை ஆற்றிய முதல்வர் எடப்பாடி பழனிசாமி


சேலம்: ஒன்பது ஆண்டுகளுக்கு பிறகு தமிழகத்தில் உள்ள ஊரக உள்ளாட்சிகளுக்கான முதல் கட்ட வாக்குப்பதிவு இன்று காலை 7 மணிக்கு தொடங்கி தொடர்ந்து நடைபெற்று வருகிறது. 56 ஊராட்சி ஒன்றியங்களுக்கு உட்பட்ட 260 மாவட்ட ஊராட்சி வார்டு உறுப்பினர் பதவிகளுக்கு என மொத்தம் 27 மாவட்டங்களில் ஊரக உள்ளாட்சி அமைப்புகளுக்கு தேர்தல் நடந்து வருகிறது. இந்தநிலையில், தனது வாக்குசாவடியில் ஜனநாயக கடமையை செலுத்த, இன்று சென்னையிலிருந்து விமானம் மூலம் சேலம் சென்ற தமிழக முதல்வர் எடப்பாடி பழனிச்சாமி, அங்கிருந்து வாகனம் மூலம் சிலுவம்பாளையம் வாக்குச்சாவுடிக்கு சென்று பொது மக்களுடன் சேர்ந்து வரிசையில் நின்று ஓட்டு போட்டார். 

இந்த தேர்தலில் 1.28 லட்சம் வாக்காளர்கள் வாக்களிக்க உள்ளனர். இதற்காக 24 ஆயிரத்து 680 வாக்குச்சாவடிகள் அமைக்கப்பட்டுள்ளன. 1.4 லட்சத்துக்கும் மேற்பட்ட வாக்குப் பெட்டிகள் பயன்படுத்தப்பட்டு உள்ளன. முதல் கட்ட தேர்தலில்156 ஊராட்சி ஒன்றியங்களுக்கு உட்பட்ட 260 மாவட்ட ஊராட்சி வார்டு உறுப்பினர் பதவியிடங்களுக்கும், 2,546 ஊராட்சி ஒன்றிய வார்டு உறுப்பினர் பதவியிடங்களுக்கும், 4 ஆயிரத்து 700 கிராம ஊராட்சி தலைவர் பதவியிடங்களுக்கும், 37 ஆயிரத்து 830 கிராம ஊராட்சி வார்டு உறுப்பினர் பதவியிடங்களுக்கு போட்டியிடுபவர்களை தேர்வு செய்வதற்கான வாக்குப்பதிவு நடக்கிறது

இன்று நடைபெறும் தேர்தலுக்கான வேட்புமனு தாக்கல் கடந்த 9-ஆம் தேதி தொடங்கி கடந்த 16-ஆம் தேதி நிறைவடைந்தது. இதனைத் தொடர்ந்து வெளியிடப்பட்ட வேட்பாளர் பட்டியல் படி 2,31,890 வேட்பாளர்கள் தேர்தலில் போட்டியிடுகின்றனர்.

தேர்தல் பாதுகாப்பு பணியில் காவலர்கள், ஆயுத படை காவலர்கள், ஊர்காவல் படையினர், முன்னாள் ராணுவத்தினர் உள்ளிட்ட 63 ஆயிரம் காவலர்கள் பாதுகாப்பு பணியில் ஈடுபடுத்தபட்டுள்ளனர். பதற்றம் நிறைந்த வாக்குச்சாவடியில் துப்பாக்கி ஏந்திய காவல்துறையினர் பாதுகாப்பு பணியில் ஈடுபடுத்தபட்டுள்ளனர். 

இரண்டாம் கட்ட தேர்தல் வரும் 30 ஆம் தேதி நடத்தப்பட உள்ளது. இந்த தேர்தலில் பதிவாகும் வாக்குகளை வரும் ஜனவரி 2 ஆம் தேதி எண்ணப்பட்டு முடிவுகள் அறிவிக்கப்பட உள்ளது. 

உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.





Source link

வாக்குப் பெட்டிகளுக்கு பாதுகாப்பு வழங்க வேண்டும்: உயர்நீதிமன்றத்தில் திமுக மனு


சென்னை: உள்ளாட்சி தேர்தலில் பதிவாகும் வாக்குப் பெட்டிகள் வைக்கப்படும் இடங்களில் கண்காணிப்பு கேமராக்களை பொருத்த வேண்டும் என்றும், வாக்கு எண்ணிக்கையின் போது தேர்தல் விதிமுறைகளை கட்டாயம் பின்பற்ற வேண்டும் என்றும் உத்தரவிடக்கோரி திமுக சார்பில், அக்கட்சியின் அமைப்புச் செயலாளரும், எம்.பியுமான ஆர்.எஸ்.பாரதி உயர்நீதிமன்றத்தில் அவசர வழக்கு ஒன்றை தாக்கல் செய்துள்ளார்.

இந்த மனுவை விசாரித்த உச்ச நீதிமன்றம், அவசர வழக்காக விசாரிக்க முடியாது. வரும் டிசம்பர் 30 ஆம் தேதி விசாரணைக்கு ஏற்றுக்கொள்ளபப்டும் என்று சென்னை உயர்நீதிமன்றம் தெரிவித்துள்ளது.

Dravida Munnetra Kazhagam

அதேபோல நகர்ப்புற உள்ளாட்சி தேர்தலை நடத்தி முடிக்கும் வரை, ஊரக உள்ளாட்சி தேர்தல் முடிவுகளை அறிவிக்கக் கூடாது என சட்டப் பஞ்சாயத்து இயக்கம் சார்பிலும் சென்னை உயர்நீதிமன்றத்தில் வழக்கு தாக்கல் செய்யப்பட்டுள்ளது குறிப்பிடத்தக்கது.

 Local Body Elections

ஒன்பது ஆண்டுகளுக்கு பிறகு தமிழகத்தில் உள்ள ஊரக உள்ளாட்சிகளுக்கான முதல் கட்ட வாக்குப்பதிவு இன்று காலை 7 மணிக்கு தொடங்கி தொடர்ந்து நடைபெற்று வருகிறது. 56 ஊராட்சி ஒன்றியங்களுக்கு உட்பட்ட 260 மாவட்ட ஊராட்சி வார்டு உறுப்பினர் பதவிகளுக்கு என மொத்தம் 27 மாவட்டங்களில் ஊரக உள்ளாட்சி அமைப்புகளுக்கு தேர்தல் நடந்து வருகிறது.

உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது





Source link

கோவை சிறுமி பாலியல் வன்கொடுமை வழக்கில் குற்றவாளிக்கு தூக்கு தண்டனை


கோவை: கடந்த மார்ச் மாதத்தில் கோயம்புத்தூர் பன்னிமடையில் ஏழு வயது சிறுமியை பக்கத்து வீட்டில் வசித்து வந்த சந்தோஷ்குமார் மற்றும் மற்றொருவரும் பாலியல் வன்கொடுமை செய்து கொலை செய்துள்ளனர். அதன் பிறகு அந்த சிறுமி அவரது வீட்டின் அருகே சடலமாக மீட்கப்பட்டார். தகவல் அறிந்த போலீசார் சிறுமியின் உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். அதில் சிறுமியை பாலியல் பலாத்காரம் செய்யப்பட்டு கொலை செய்யப்பட்டது தெரியவந்தது.

இதனையடுத்து விசாரணை மேற்கொண்ட போலீசார், அதே பகுதியைச் சேர்ந்த சந்தோஷ் குமார் என்றவரை கைது செய்து விசாரணைக்கு மேற்கொண்டதில் அவர்தான் குற்றவாளி எனத் தெரிந்த பின்னர், அவர் சிறையில் அடைக்கப்பட்டார். 

முதலில் பாலியல் வன்கொடுமை வழக்கு கோவை மகளிர் நீதிமன்றத்தில் விசாரிக்கப்பட்டது. அதன்பிறகு போக்சோ சிறப்பு நீதிமன்றத்துக்கு மாற்றப்பட்டது. அதன் பிறகு தொடர்ந்து நடைபெற்ற விசாரணையில் நேற்று தடயவியல் அறிக்கை தாக்கல் செய்யப்பட்டது. அதில் பாதிக்கப்பட்டவரின் தடயவியல் பரிசோதனை அறிக்கையில் ஒன்றுக்கு மேற்பட்ட ஆண்கள் சிறுமியை பாலியல் வன்கொடுமை செய்துள்ள டி.என்.ஏ மாதிரிகளில் தடயங்கள் காணப்பட்டன.

இதனையடுத்து சந்தோஷ்குமார் தான் குற்றவாளி என கோர்ட் தீர்ப்பு வழங்கியது. அதில் குற்றவாளிக்கு இரண்டு பிரிவுகளின் கீழ் ஆயுள் தண்டனை மற்றும் மரண தண்டனை விதித்து நீதிபதி உத்தரவிட்டுள்ளார்.

மேலும் ஏழு வயது சிறுமியின் தாய் மாவட்ட நீதிமன்றத்தில் ஒரு மனு தாக்கல் செய்துள்ளார். அதில் எனது மகளின் தடயவியல் பரிசோதனை அறிக்கையில் ஒன்றுக்கு மேற்பட்ட ஆண்கள் பாலியல் வன்கொடுமை செய்துள்ளதற்கான தடயங்கள் உள்ளன. இதுக்குறித்தும் விசாரணைக்கு உத்தரவிட வேண்டும் என கோரிக்கை வைக்கப்பட்டது. அந்த மனுவை ஏற்றுக்கொண்ட நீதிபதி, இந்த வழக்க்கு சம்பந்தமாக விசாரணைக்கு உத்தரவிட்டுள்ளார்.

உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.





Source link